No l'è più quela!
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← Carità de moda | Edission e fonte ▼ | Le parolete → |
NO L'È PIÙ QUELA!
L'era tuta de casa e pulitina,
E svelta e alegra come un canarin:
La faseva da mama al fradelin
Siben che l’era ancora picinina.
Ma adesso che l’è ormai ’na donetina
Mi no conosso più quel so bon crin;1
E no ghe dago2 un scheo del so destin
Chè sta putela çerto se rovina!
Maledeto el bisogno! apena granda,
L’è andada a guadagnarse da magnàr
Con le altre so compagne a la filanda.
E a darghe bado a quei che ghe fa i conti
I l’à cagnà3 de sera a smorosar
Col paronçin ne i vicoleti sconti!
- Note