Mondo fottù, canagia buzarona
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Mondo cogion, canagia buzarona | Edission e fonte ▼ | Povera matta, bestia buzarona → |
Mondo fottù, canagia buzarona,
No me star a seccar più le roane,
Cazzi stè in drìo, no m'insidiè la Mona,
4Andè tutti a sborar in Carampane.
Mi me ritiro, che no son cogiona
De crescer el vadagno alle ruffiane
Col farme squinternar la mia Simona,
8Come fà tutto'l resto de puttane.
Bardasse podè ben descapricciarve,
E no credè, che sia cussì merlotta,
11Che 'l modo hò trovà mi de cogionarve.
Vorressi darme un Cazzo, che me fotta!
Mo; ve 'l podè tegnir per buzararve,
14Che Cazzi più no gh'entra in la mia Potta.