Metà-fisica
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← La serva nova | Edission e fonte ▼ | A le tose par el bòcolo de San Marco → |
Metà-fisica
Cossa che vogia dir, nona, l'efeto
che se produse in mi co vedo Bortolo?
me sento un tich e tach quà drento in peto
e no so più quel che me fassa. — Piavola!
quel tich e tach, ti vedi, el xe un segreto
che a le ragazze no va ben a dirghelo;
el xe come.... 'na spezie.... de zogheto....
'na lege de natura... un çerto... scòltime:
L'omo xe 'l fero e nu la calamita.
― Dunque la calamita tira el fero....
― E la fisica agisce drita drita.
Ma po la ze 'na roba che finisse
quando se ga 'na certa età. ― Xe vero?
― Eh za!.. quando che 'l fero inruzenisse.