Mane sbuse

by Attilio Turco

3 Mane sbuse Sonetti Veronesi Sonetti Veronesi/Parte II - Me morosa Gnente miserie A Montecatini Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte II - Me morosa

Mane sbuse

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Gnente miserie

Edission e fonte ▼

A Montecatini  →

MANE SBUSE....

La me morosa, se la gà un difeto,
     L’è quel de ciacolar¹ un poco massa...
     Se la sentissi de matina in piassa,
     L'è roba, che la par un organeto...

No la desmete mai, mi ghe scometo
     Che no la vede gnanca quei che passa;
     La và in estasi, 'l par che la se ingrassa...
     Gnanca se la fasesse par dispeto!

E intanto qualche volta me sussede
     Che a mesojorno, quando vago a casa,
     Ramina sul camin no se de vede...

Ghe crio,² la g’à dosentomile scuse...
     Vago all'osto a magnar, parchè la tasa,
     E l'è così che gò le mane sbuse!...

---

Note

1. ciacolar - discorrere;
2. crio - rimprovero.