Mama

by Gilda Amoroso-Steinbach

4 Mama Gilda Amoroso-Steinbach XX Soneti triestin

Indice:Trieste vernacola.djvu

Gilda Amoroso-Steinbach

Mama

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

MAMA.

El picio dormi in cuna^[1] queto queto
Dopo una note piena de lamenti;
Quanti afani per mi, quanti tormenti
Dal giorno che xe nato el mio angioleto.

E prima che qualcossa el me diventi
Gavarò de subiar^[2] per qualche aneto!
Ma de farme beato el ga el segreto
Quel bel muso de baba senza denti.^[3]

E dir che vegnarà quela giornada
Che una dona, mostrando un amor finto,
La me lo robarà con un'ociada.

Cico^[4] solo a pensarghe. Ben bonora
Me sento za de sòcera l'istinto
E me scominzia l'astio per la gnora!^[5]

---

Note

1. el picio dorme in cuna, il bambino dorme nella sua culla
2. gavarò de subiar, letteralmente avrò da zufolare, ma vale: avrò molto a penare, e sarà da correre molto
3. quel bel muso de baba senza denti, quel bel faccione da vecchia senza denti
4. cico, mi stizzisco, mi indispettisco
5. e me scominzia l'astio per la gnora, e mi incomincia l'astio per la nuora.