Letra con un sonetto de Picegaton da San Lazaro
|
Edission original: |
Giovanni Fratta, Letra con un sonetto de Picegaton da San Lazaro, Verona, Girolamo Discepolo, 1589 |
|
Fonte: |
| Edission e fonte ▼ |
LETRA
CON UN SONETTO
DE PICEGATON DA
SAN LAZARO
IN LALDO DEL CARISSIMO
e resplendissimo Segnor Mattè Zano
Cavalero e Capetanio meritevolo de
Verona, che è vegnù.
AL MAG. SEGNORO CARLO PRATO
Noncio de Verona à Venesia.
IN VERONA, Appresso Girolamo Discepolo.
M D LXXXIX.
AL ME SIG.RO E PARENTO
EL SIGNORO CARLO PRATO
NONTIO DE VERONA, A VENESIA.
Ecote, el me Signoro amorevolo, che mando la bagia che ve disse a vostra Signoria à Venesia de mandaro, componesta in materia de lo intraro chigo da nu in Verona el vostro patron e Segnoro e nostro Capetanio, zoè el Carissimo & Amantissimo e resplendissimo M. Mattè Zano Cavallero meritevolo, lezila, habiè piasero, e tegnivene bon, de havero un Segnoro de sta sorto per patron, dalla lezaura della composition poderì comprendro quello che arì da faro, e per quanto amoro e fra de nu no amanchè de gnento, e se per l'avegniro ve posso faro consa che ve piasa, a vù stà à comandaro: chigo fago fine, pregando el Segnoro che guarenta tutti, col Dotoro, a dio chigo in Verona nella contrà de San Lazaro el dì nanci el drean del pi bel meso.
Cosin e vostro servidoro bon,
De San Lazaro mi Picegaton.
In quell'hora chel Solo vol spontaro
Se spando per el Cielo un gran spiandoro,
E tanto se fà grando quel lusoro
4Che se ghe vedo lonzi a pi miraro;
Delongo via che l'è fatto ben chiaro
Se soleva per tutto del romoro
Che ven fagando via tutti quelhoro
8Che salta suso, per voler sbignaro:
A questa somegianza, cosi digo
Che ser Matè de Zano Cavallero
11Gne pì, gne manco fe nel vegnir chigo,
Comparse un gran schiaroro al sò apparero
Saltè suso la zento chigo e ligo
14Per anarlo a honoraro à so podero.
Me pareva vedero
Formigoni a corero per la via
17O sia zudè ch'anes contra el Messia;
O Verghene Maria
Che consa è n'omo grando ch'habbia lomo
20De Lustro, fallo mò corero ogn'omo?
Noncio da galant'omo
Ch'ho visto a intraro Duchi e Imperadori,
23Rezine, Generali e gran Signori,
Ne mai tanti remori
Hò sentù de Campane, e de Trombette,
26De Cari, de Carozze, e de Carette:
De corero stafette,
De sbatro Tamburini, e de rogniro
29Cavagi, con sentè nel sò vegniro,
I m'have da storniro,
E se questù stes chigo cent'e un'anno
32Mai rivaravo sto viva Cà Zano,
Per deso no v'inganno
Ch'al so vegniro, è revegnua sta zento
35Con fa na lumo a zonzerghe alemento.
Ne pi smaravegento
Quando el vegneva da tutte le bande
38Pioverghe adosso Fiore, Erbe, e Girlande.
Mò ghe n'è de pi grande,
L'Adeso ch'era torbolo, e furioso
41Al sò arivaro el fù chiaro e gracioso;
De st'albaro precioso
S'ha d'arcugiro Frutti si galanti
44Che farà stupefaro tutti quanti.
Humori stravaganti
Tireve per un pezzo in d'un canton
47Che da cantaro è chigo l'occasion,
Muse, Picegaton
Sfavorezè sta botta ch'el besogna,
50E ti Sencero daghe la Zampogna.
No l'è miga na brogna
A levarse sul gobbo della schena
53Un'arca de Tresoro si ben piena,
Ghe voravo na vena
Che tresso fora strambotti e calatte
56A dir tutte l'imprese che l'ha fatte,
Ma lago ste ballatte
Che mi no scomencè per dir de questo
59Ne a diro ste gran conse son in sesto.
Quel che vogio e pi presto
Dirve, che andè denanci con si uso
62Alla Serenità del nostro Duso.
E la bocca del muso
Sbarlando dir, ch'en recevu a Verona
65De ser Mattè de Zano la persona.
E che fù consa bona
Mandarlo, e regracilo, a lomo nostro
68Stante, ch'el n'ha servì de bon ingiostro.
Cosin, fradello, e bon amigo caro
Vostro, Picegaton da S. Lazaro.