Le tose al balcon

by Umberto Foà

4 Le tose al balcon Nuove rime veneziane di guerra e di pace Rime cortesane El giudizio de Paride M'ò sbaglià Umberto Foà 1917 XX

poesie

Umberto Foà ―  Nuove rime veneziane di guerra e di pace  ―  Rime cortesane

Le tose al balcon

1917

Edission original:	Umberto Foà, Nuove rime veneziane di guerra e di pace, Firenze, Libreria Internazionale, 1917
Fonte:	Indice:Nuove rime veneziane di guerra e di pace.djvu

←  El giudizio de Paride

Edission e fonte ▼

M'ò sbaglià  →

LE TOSE AL BALCON

Al Dott. Cesare Musatti.

Ben verti xe i veri,
tiràe le coltrine,
xe fora i pitéri
4da le colarine.¹

April, sto famoso
potente paron,
no 'l ghe dà riposo
8le ciama al balcon.

Le ride, le ciassa
per farse notàr:
per chi sta de fassa
12xe belo vardàr!

E mi che zirando
sta cara çità
sto fato amirando
16go sempre notà,

domando ai dotori:
Perchè le putele,
co' April vien co i fiori
20no par sia più quele?

Perchè anca la tosa
che sta in t'un canton,
no xe più ritrosa,
24posada al balcòn?
 
Risponde i dotori:
"Ormai xe provà
che el sol scalda i cuori!"
28Che gran novità!

---

Note a cura de l'autor

1. Stiratrici.