Le proteste

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Attilio TurcoSonetti Veronesi, Verona, Tipografia Operaia, 1924

 Fonte:

Indice:Attilio Turco - Sonetti Veronesi.djvu

←  La providensa Edission e fonte ▼ I dolsi  →
[p. 122 modifica]
LE PROTESTE


Se discore, par via de alsar la gresta:1
     ’Na volta, se, par caso, in qualche sito
     Gh'era un fanal, che no ’l fasea pulito,
     Se mandava ai giornai la so protesta;

E se disea: l'è ’na vergogna questa!
     Con tuto che se paga tasse e afito,
     Che no se veda, un pochetin de drito
     In quei che de ’ste cose iè a la testa!...2

Adesso, che de sera par le strade
     No se ghe vede gnanca a bestemiar,
     Se tase, se se dà le sburtonade...3

E no se pensa più de protestar:
     La guera, la n'à dà dei dispiaseri,
     Ma la n’à fato deventar più seri!



Note
  1. alsar la gresta ― protestare;
  2. iè a la testa ― sono a capo;
  3. sburtonade ― urti per incontro di persone
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Le_proteste&oldid=71752"