Lamento dell'Evangelista s. Marco
|
Edission original: |
Collezione delle migliori opere scritte in dialetto veneziano, Volume decimo: Poesie satiriche di Angelo Maria Labia, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 10.djvu |
| Edission e fonte ▼ |
Davanti al trono augusto de l’Altissimo
L’Evangelista Marco è stà cità
Per render conto de quel che se fa
4Nel Veneto Dominio Serenissimo.
Comparso al primo ceno obedientissimo,
Apena Rafael l’à interogà,
Sul so Vangelo dopo aver zurà,
8L’à dito: Mi no ghe ne so nientissimo;
So ben che m’averìa da lamentar,
Ch’i m’à contracambià sta protezion
11In modo da redurme a questuar:
Dopo averme pelà tuto el Lion,
E fato sto mio Libro spegazzar,
14I me rosega adesso anca el carton.