La vosse dei Morti

Da Wikisource
Jump to navigation Jump to search

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
←  La pace Edission e fonte ▼ La campana de la pace  →
[p. 147 modifica]
LA VOSSE DEI MORTI


Noaltri, quando ’ndasèa mal i afari,
     Quando i tedeschi se i credèa i più forti,
     Avèmo sempre resistì, fioi cari,
     Fin che semo cascadi in tera morti!

Adesso ch’è passà i momenti amari,
     Ch’è rivà i Mericani1 ai nostri porti,
     E i ghe dise ai suconi: pati ciari
     E ciamève de 'verghe tuti i torti, —

Tegnighe duro,2 vualtri vivi, adesso,
     Recordève che semo soto-tera,
     Ma ’scoltemo e vedèmo... e se 'sta guera

La dovesse fenir, sensa aver messo
     Le cose a posto, a pati ciari e neti...
     Noaltri, morti, no saremo chieti!



Note
  1. Mericani ― Americani;
  2. tagnighe duro — resistete.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_vosse_dei_Morti&oldid=71814"