La vendemia dopo el Rosario

Da Wikisource
EPUB   MOBI   PDF   RTF   TXT
Qualità del testo: sto testo el xe stà trascrito e rileto.
La vendemia dopo el Rosario
1918

 Edission original:   

Berto BarbaraniI sogni, 3° Canzoniere, Verona, Mondadori, 1922

 Fonte:

Indice:I sogni.djvu

←  L'Autuno al me paese Edission e fonte ▼ I ultimi molini  →
[p. 181 modifica]
LA VENDEMIA DOPO EL ROSARIO1


Nina, soto la pergola
gh'è pien de foie giale...
L'inverno che le stòfega2
4ride a le nostre spale;

vòltete incosto e bùteghe
'na ocià de le più brute,
che ghemo la salute
8e semo zòveni!

[p. 182 modifica]


Te gh'è i oci che lagrima?
Te sguissi de paura?
Manda a dotrina3 i scrupoli
12e l'amor mio pastura...

Eco de l'ua magnifica:
moscata e marzemina;4
Viva la nostra Nina,
16che ghe faremo un brindisi!

Guarda! Madone e diavoli
sfórbesa e tosa i câi;5
i graspi i casca e i sanguena
20sensa dir gnanca un: ahi!

Le vigne che le spásema
del solito martirio,
le canta nel delirio:
24«Adio el me popolo!

[p. 183 modifica]


Adio graspi, adio balsamo
signor de tante feste,
adio fameie picole
28fate de çento teste...

El sol che scalda e ilumina
sta perfession de Dio,
ve fa pagar el fio
32nel fondo de una cáneva...»

Guarda! La bela Mincola
dai brassi forti e mori,
la sbalsa su i du sócoli
36'na carga de tesori...

Dio, che scaldada! Fermete!
La ne risponde: no,
la core verso i bò6
40e el zerlo7 el sìgola...!

[p. 184 modifica]


  Driti sul caro, i omeni
drento la mostadora,
i calca, i pesta, i sforcola
44l'ua che la sbocia fora;

  el par che i baia, i cócola
le done del so regno;
el mosto da l'ordegno
48el pissa, el sgòssola...

  Giornade memorabili
j-è queste, fra le bele;
l'Inverno fa bassìsego8
52su e zò par le tirèle;9

  la morte inesorabile
che da lontan bestemia,
la pensa a la vendemia
56de le nostre do anime...!

[p. 185 modifica]


  Ma ti, che da la pergola
piena de foie giale,
te scurli10 zò el pericolo
60sul bianco de le spale,

  guardela in facia e fulmina
'na ocià de le più brute,
che ghemo la salute
64e semo zòveni!



Note a cura de l'autor
  1. Per Nozze Zen Bedoni e Maria Dall'Ora — Verona, 20 Luglio 1918.
  2. stòfega: soffoca
  3. dotrina: la dottrina cristiana della domenica
  4. marzemina: qualità d'uva da pergola
  5. câi: tralci della vite che sostengono i grappoli (graspi)
  6. bò: buoi
  7. zerlo: arnese di legno ricurvo per reggere due cesti o secchi
  8. bassìsego: altalena
  9. tirèle: tiranti delle viti fra i due sostegni
  10. scurli: scrolli
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_vendemia_dopo_el_Rosario&oldid=66913"