Me morosa l’à fato la tranviera,
Ma l'è un mestier che no’ g’à piasso miga...
No l'è quanto, par via de la fadiga
E no l’è quanto, par star su de sera...
L'è parche, se volì che ve la diga,
L’à pensà: presto termina la guera...
Semo secure de restar par tera:
In pochi giorni, care, i ne destriga!
E alora, dopo tuti i pestesoni2
Ch’emo ciapado e tute le strucade,
Come se podarà, catàr paroni,
Che ne rispeta in casa e par le strade?
Co sto pensier in testa, na matina,
La s’à butà al mestier de la spassina.
Note
↑spassina ― durante il periodo bellico, si videro molte donne sostituire gli uomini, nella faticosa opera di spazzar le strade;
