La sessolota
LA SESSOLOTA.
De Rena,1 de via Giulia o via Remota,
De l'arsenal, de Greta, o de Rozzòl,
Xe tuto istesso, bela sessolota,
Te resti sempre quela, e chi te pol?2
Ti xe fra i tipi strambi, antichi e veri,
El tipo triestin più ben stampà,
E come per Venezia i gondolieri
Ti xe per noi la gran specialità.
Mostricia!3 me inamoro co te trovo
A involtizzar naranze, in negligè,
In qualche magazin o al porto novo,
Fra droghe, gome, pevare4 e cafè
Cussì ti piasi e ti inamori tanti
Col strassino spontà,5 ma più fedel;
Con una grossa strazza6 sul davanti,
Con do zavate7 e 'l sacco sul zervel.
- Note
- ↑ De Rena, ecc., contrade di Trieste
- ↑ e chi te pol, e chi ti vince? chi può competere con te?
- ↑ mostricia, birbacciona, birichina
- ↑ pèvare, pepe
- ↑ col strassino spontà, con lo strascico spuntato, cioè non appuntato, lacero
- ↑ strazza, cencio
- ↑ zavate, ciabatte.
- ↑ le bandete, i cernecchi
- ↑ spampanade, millanterie. Il vocabolario di Rigutini e Fanfani registra «spampanata» con l'annotazione «voce familiare»
- ↑ anda, andatura.