La serva

Da Wikisource
Jump to navigation Jump to search

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
←  El borsarol Edission e fonte ▼ Dal barbier  →
[p. 64 modifica]
LA SERVA


La serva ecola qua: sestèla al brasso,
     Testa par aria e ociade da siveta,
     Grombialin recamà, còtola1 streta,
     Veleta o sial2 de lusso o da strapasso.

Se qualche militar ghe buta3 el sasso,
     In prima la ghe fa la smorfioseta,
     Po’ la ghe mola un ponto4 e s-ciao nineta..
     La sera drio la ghe va insieme a spasso.

In casa, par onesta che la sia,
     In do’ la tòca, la ghe lassa el segno...
     Se la parona5 no’ la ’nciava via

El vin, i fruti, 'l sucaro, ’l cafè,
     La bee, la magna zò, sensa retegno6
     E la ghe porta via fin che ghe n’è!



Note
  1. còtola ― sottana;
  2. sial ― scialle;
  3. ghe buta el sasso - arrischia una domanda;
  4. la ghe mola un ponto ― concede;
  5. parona ― padrona;
  6. retegno ― freno.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_serva&oldid=71554"