La serenata de Brighela

by Attilio Sarfatti

3 III. La serenata de Brighela
(a Marco Sala) Rime veneziane Libro Terzo II. Inverno in campagna IV. Ne l'album de la signora Letizia Maurogonato-Pesaro Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Terzo

III. La serenata de Brighela
(a Marco Sala)

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  II. Inverno in campagna

Edission e fonte ▼

IV. Ne l'album de la signora Letizia Maurogonato-Pesaro  →

III.

LA SERENATA DE BRIGHELA

(A MARCO SALA)

O Colombina, fior
Che mile odori spande,
Me fa tic-tac el cuor
4Co passo da ste bande.
"Lo sento drento in pèto
Balar el minueto"
E tuto in un momento
8Bianco filà devento.

Vien, cara, al to balcon.
Piove e no go l'ombrela;
Movite a compassion
12Del povaro Brighela.
Fin che Arlechin xe fora,
Vorìa vegnir de sora.
Starte tacà vorìa,
16Fin che Arlechin xe via.

Piove, so qua al garbin...
Vèrzime, Colombina.
Se capita Arlechin
20Me scondarò in cantina.
Cagna, che no ti senti
Tuti sti mii lamenti,
Cagna, no far la morta
24Vèrzime la to porta.

Oh Dio!... l'è qua... l'è qua...
Eco, la verze el scuro...
So qua tuto negà,
28Ridoto un pezzo duro...
Ma finalmente... O zogia,
Tremo come 'na fogia.
Come 'na fogia al vento
32Tremo, ma son contento.

Son vegnuo qua per ti,
Per ti, muso da stela,
Vèrzi...
- Chi xe?
- So mi.
- Chi xe sto mi?
36- Brighela.
Vèrzi.

- No posso
- Oh Dio,
Vago a butarme in rio.
- Mato!
- Tesoro!
- Va,
40Presto Arlechin xe qua.
- Verzi un momento...

- No.
- Mostra, lassarme al pocio.
Per ti me massarò.
Oh Dio, chi è là?
44- Batocio
- Ahi, ahi!
- Toco de sasso,
Vòi far de ti un spegàsso.

Ciapa.
- El me copa, aiuto
48- Ciapa, che ò visto tuto.