La scola vecia

Da Wikisource
Vai alla navigazione Vai alla ricerca
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 71 modifica]
LA SCOLA VECIA


     Rumegando 'l sermon, col fronte basso,
Monta sul palco l’orator famoso:
E fato un repeton cerimonioso,
El resta duro che 'l ve par de sasso.
     Dopo cinque minuti de riposo,
L’alza la testa e 'l ve declama un passo
Cambiando vose dal soprano al basso.
Tirandose i cavei come un furioso.
     El storze i oci più de l'orso bianco;
E tuto sgionfo deventando e rosso,
Un mato pugno el lassa andar sul banco.
     E quando el s’inacorze d'esser stanco,
La semadina el fa scolar nel gosso....
La dota bava a gomitar più franco.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_scola_vecia&oldid=71215"