La schiopetada straordinaria
|
1828
|
|
Edission original: |
Luigi Bampo, Miscellanea o trentacinque cose per trentacinque soldi, Treviso, Francesco Andreola, 1828 |
|
Fonte: |
Indice:Bampo - Miscellanea o trentacinque cose per trentacinque soldi, Treviso, Andreola, 1828.pdf |
| ← I buoni matrimonii | Edission e fonte ▼ | L'offerta accettata → |
Un cazzador, de quei
Che in cento schiopetae ghen va ben una,
Contava un zorno a un circolo de amici,
(Bisogna dir, credendoli putei)
Che ga tocà sto ragio de fortuna.
El gera in bosco, e dopo
Aver mazzà o ferio
Un diavolo de osei,
De cargar ben el schiopo
No l’à gnanca finio,
Che a saltar su sie becanoti el vede.
Furente da la vogia de mazzar
El lassa drento la bacheta, el tira,
E un dopo l'altro tuti sie el l'impira. —
Mo budelada! a questo
Se ghe chiama sbarar,
L'interompe un de quei che l'ascoltava:
Anca sì, che i becanoti
Xe cascai per tera coti!