La sagra de l'oro
|
1917
|
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← El Leon de guera | Edission e fonte ▼ | Santa Barbara se arma → |
Donélo quel'oro
tolélo dai scrigni,
no 'l xe più un tesoro
4in tempi ferìgni....
Se sola una pena
solèva un zogélo
doné la caéna,
8doné anca l'anélo.
I serve del sangue
prezioso a salvàr:
un omo che langue
12pol l'oro sanàr!
O spile, o recini,
o bei bracialeti,
medàgie, manini,1
16anéi, pontapéti,
vu che tante bele
savévi adornàr,
e sora la pele
20più bianca brilar,
e vu che più sordi
se salva e più avari,
o veci ricordi
24dei morti più cari,
o antighi zechìni,
o napoleòni,
a nobili fini
28ancùo saré boni!
Un novo tesoro
San Marco combìna,
davanti a quel'oro
32donà se se inchina.
La zeca in sonante
monéda lo bate,
l'erario é abondante,
36più gnente lo abate.
El gran delinquente
sarà trasformà
in carne nutriente,
40in pan pel soldà!
O spose, o putèle
ga assàe più splendor
de le cadenèle2
44el vostro bel cuor.
Se coi bracialeti
se fonde un canòn,
i brazzi perfeti
48par çerto più bon.
Xe senza recini
le recie, ma i biondi
cavéi xe più fini;
52sui oci profondi
le làgrime brila
ben più dei diamanti;
e le man tremanti
56le cuse, le fila....
- Note a cura de l'autor