La mission de la dona
|
Edission original: |
Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920 |
|
Fonte: |
| Edission e fonte ▼ |
LA MISSION DELA DONA.
Co1 le putele le ga destinà
De andar come impiegate in un ufizio,
Le credi che xe tuto terminà
De la vita de dona el sacrifizio.
Le benedissi l'emancipazion
Che ga creà la santa libertà,
Che ga messo la dona a paragon
De l'omo... che xe tanto fortunà.
Ma per creder bisogna anca provar.
E quando pochi mesi le xe stade
Soto una dissiplina militar,
Le xe tute avilide e disperade.
Rabiose assai per la disilusion,
Ghe toca dir coi omini cussì:
Che dela dona vera la mission
Xe solo quela de trovar marì!
- Note
- ↑ Co, quando.