La mia morosa

by Attilio Sarfatti

3 VII. La mia morosa Rime veneziane Libro Quarto VI. Za ti lo sa VIII. Una promessa Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Quarto

VII. La mia morosa

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  VI. Za ti lo sa

Edission e fonte ▼

VIII. Una promessa  →

VII.

LA MIA MOROSA

La mia morosa
Xe una vecieta
Che par 'na sposa.
Che par 'na rosa
5Dai bei colori
Sul far del dì.
Za i so caveli
La neve aspeta,
No i xe più queli,
10Ma i xe più beli
Dei biondi e i mòri
Ve zuro mi.

La ga i so afani,
Sfido! anca i santi
15De sessant'ani
Ga i so malani,
Nel so segreto
Pianze anca el fior,
Ma lesta, lesta
20Co son davanti
Per farme festa
No l'e più mesta,
Piena de afeto
La cambia umor.

25Se son scontento,
La me consola.
Basta un momento
Perchè el tormento
Come un incanto
30Finissa là.
Che mediçina
La so parola!
Qualunque spina
La so manina
35Dal cuor afranto
Cavar me sa.

Sia benedeta
La mia morosa!
L'è una doneta
40Più che perfeta,
L'e la mia fiama,
La xe el mio ben.
Vien, vecia bela,
Vecia pietosa.
45Vien qua, putela,
Sol, rosa, stela,
Vien, bela mama,
Qua sul mio sen.