La libraria
|
Edission original: |
Luigi Bampo, Miscellanea o trentacinque cose per trentacinque soldi, Treviso, Francesco Andreola, 1828 |
|
Fonte: |
Indice:Bampo - Miscellanea o trentacinque cose per trentacinque soldi, Treviso, Andreola, 1828.pdf |
| ← La Sincerità | Edission e fonte ▼ | Il morto parlante → |
Sior Silvestro, vorave un gran servizio.
Savè che go quei libri
Che m'ha lassà quel vechio me parente;
Me son acorto solamente adesso
Che un paltegan s'ha messo
A divertirse el dente
E, par che quel furbazzo fazza a posta,
El magna quel che costa
De più del resto; no gh'è più un carton,
Che no sia rosegå.
Meteghe vu un riparo a sto disordine,
Feme sta carità. —
La lassa far a mi, la staga quieto
Che me xe vegnù in testa un bel progeto. —
L'ordina in fati una gran libraria,
Eco la xe fenia
El ghe la manda a casa al leterato,
Che va a trovar in bota sior Silvestro;
― Diseme in grazia, seu deventà mato?
Xelo gnanca un bel estro
De far far la ramada cussì larga! —
No la cria, sior Simon,
Ho avuo le me rason.
Ho pensà che coi busi cussì grandi
Facendo la reata,
Se andarà drento i sorzi,
Ghe podarà passar anca la gata.