La fortuna (Maria Pezzè Pascolato)
|
Edission original: |
Maria Pezzè Pascolato, Versi Veneziani, Milano, 1928 |
|
Fonte: |
| ← Note e dì | Edission e fonte ▼ | VIII Settembre MCMX → |
LA FORTUNA.
.jpg)
Chi xe che dixe che no torno più?
Se no me risponde', bato da novo;
4Bato ogni dì perchè ve levè su.
Me fe' torto col dir fortuna orba,
E se' vu invece che no ghe vedè.
Le ocasion? Ve le sporzo co la corba:
8Go colpa mi se el brazzo no slonghè?
— Quel che xe sta xe sta; quel che xe perso...
— Quel che xe perso lo podè trovar:
Basta cercar, cercar per ogni verso,
12Basta metarse: el far insegna a far.
Per averme, no val voltarse indrio;
Strussiar bisogna, fin che ghe xe fià.
— Presto fa scuro, e 'l zorno xe finio...
16— Forse che el sol doman no 'l levarà?
.jpg)