La ciàcola

by Attilio Turco

3 La ciàcola Sonetti Veronesi Sonetti Veronesi/Parte V - Trento e Trieste 24 Maio del 18 (dopo Caporetto) Gnente paura Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

La ciàcola

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  24 Maio del 18 (dopo Caporetto)

Edission e fonte ▼

Gnente paura  →

LA CIÀCOLA....

Avìo^[1] sentì, che ciàcola^[2] gh’è in giro?...
     Presto i tedeschi i capita a Verona!
     I n’à zugà, se vede, un bruto tiro,
     Tra pochi giorni gh’è ’l canon che tona!...

— Lassè che i vegna! Mi no me retiro!
     Con quela forsa che ’l me cor me dona
     E sensa mai tirar gnanca un sospiro,
     Restarò fermo, come ’na colona!...

Metarò in salvo i fioi, le me creature,
     Me muier^[3] e i me veci, se mai posso,
     E 'ndarò incontro a tute le torture!...

Ma no’ ghè dubio^[4] che deventa rosso,
     Parchè i me diga un giorno: fioi, vardèlo:
     El s’à mostrà un viliaco, sul più belo!...

---

Note

1. Avìo ― avete;
2. ciàcola ― notizia;
3. mujer ― moglie.
4. ma no ghe dubio ― non c’è pericolo;