La baba

by Augusto Levi

4 La baba Augusto Levi XX Soneti triestin

Indice:Trieste vernacola.djvu

Augusto Levi

La baba

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

LA BABA.¹

Tuto el giorno la brontola; per ela
No va ben gnente, tuto xe mal fato;
La ghe taroca² sempre ala putela,
Guai se un momento la carezza el gato.

La serva, disgraziada, no fa tela,³
La devi lavorar proprio a contrato;
Vien zo la casa, vien, orcamastela,⁴
Se per fatalità se rompi un piato.

Tuto devi esser lustro⁵ come un specio,
E se me intrigo mi:⁶ «Zito! la ziga,
Protetor dele serve, bruto vecio!

Pensa ai tui fati, qua son mi parona!»
Ma in segreto bisogna che ve diga
Che la xe in fondo una gran brava dona.

---

Note

1. la baba, la donna, ma scherzosamente dicesi in senso di moglie. Qui vale: mia moglie in tono di scherzo quasi affettuoso
2. La ghe taroca, tarocar, brontolare, sgridare
3. no fa tela, non ci riesce, non la azzecca
4. Orcamastela! esclamazione come per bacco! poffarbacco!
5. lustro, lucido
6. se me intrigo mi, se mi immischio io.