La Testa vuota (1817)
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
Voler componer con la testa voda
Xe voler travasar col fiasco sbuso,
Voler parlar col musariol al muso,
4Senza drapo voler tagio a la moda;
Senza carne voler grassa la broda,
Senza scala voler andar dessuso,
Voler impirar l'ago senza buso,
8Voler ficar el chiodo in te la croda.
Me ne rido de queli che me dise:
Basta voler per poder far de tuto;
11Co no gh'è fassi no se fa cenise.
Co no gh'è l'anemal no gh'è persuto;
Albero no se dà senza raise:
14Co no gh'è intrada se se trova al suto.