La Morte e el Medico

by Luigi Martignon

3 La Morte e el Medico Luigi Martignon XIX Novele

Indice:Scherzi poetici di vari celebri autori italiani e veneziani.djvu

Luigi Martignon

La Morte e el Medico

XIX secolo

Edission original:	Giovanni Battista Casti, Scherzi poetici di vari celebri autori italiani e veneziani raccolti da G.B.C., Venezia, Tip. Molinari, 1834
Fonte:	Indice:Scherzi poetici di vari celebri autori italiani e veneziani.djvu

Edission e fonte ▼

La Morte e el Medico.

     „ Servo umilissimo,
„ Madama morte,
„ Xe mia la visita,
4„ Xe mia sta sorte?
     „ Qua la se comoda,
„ La xe parona,
„ La vegna a meterse
8„ Su sta poltrona.
     „ Svelta, don'Anzola,
„ No tardighè,
„ Da brava subito
12„ Portè el caffè.
     „ Se gratitudine
„ Xe un sentimento,
„ Che almanco meriti
16„ Compatimento,

     „ Sta gratitudine
„ Che m'ò acquistada,
„ Da vu certissimo
20„ No xe mostrada.
     „ Mi come Medego
„ Podea de più
„ Mai meritarmela
24„ Appresso vù?
     „ Scorrè i cataloghi,
„ Fè un conto esato,
„ Vardè le vittime
28„ Che mi v'ò dato.
     „ A miera, a nuvole
„ Ve l'ò cazzade,
„ Xe stae pochissime
32„ Le refudade.
     „ Nè stemo a illuderse,
„ Madama Morte,
„ Mi son un Medego
36„ Che coppa forte.
     „ Se po sti meriti
„ Ancuo se scorda,
„ Se alle mie lagreme
40„ Vu fe la sorda;

     „ Son qua me preparo,
„ Ghe vol pazienza,
„ Se inapelabile
44„ Xe la sentenza.
     „ Fe de mi subito
„ Quel che volè,
„ Ma recordevelo,
48„ V'incorzarè.
     „ Su via catemelo,
„ Chi xe quel tal,
„ Che qua no medeghi
52„ Qualunque mal,
     „ E che ingiuriandove,
„ A dirittura,
„ No vegna a torvelo,
56„ De sepoltura?
     „ Mi almanco caspita
„ Se manezarme,
„ E de vu subito
60„ So recordarme.
     „ E sia pur picola
„ La malatia,
„ So destrigarmela
64„ Co pulizia.

     „ Fe de mi subito
„ Quel che volè,
„ Ma ve lo replico
68„ V'incorzarè.
     Finia la predica,
Madama Schizza,
Co quella solita
72Pesante stizza,
     „ Basta, quel zovene,
„ La ghe responde,
„ Tutte ste frotole
76„ Le me confonde,
     „ Conosso i debiti,
„ Li vòi pagar,
„ Ma prima un computo
80„ Bisogna far.
     „ Se ghe xe l'angolo
„ De combinarse,
„ Se pol col Medego
84„ Anca giustarse.
     „ Ma ben spieghemose,
„ Che senza usura,
„ Oh no se scapola
88„ La sepoltura.

     „ Mi el cinquecento
„ Togo per un,
„ O no benefico
92„ Certo gnessun.
     „ Se sto tal numero
„ Vu me lo dè
„ Scriveme un rogito,
96„ E viverè.
     „ Dunque ve comoda
„ L'offerta mia,
„ Ve par che in regola
100„ Ancuo la sia?
     Ghe pensa el Medego
Suso un pocheto,
E po el ghe replica
104In ton ristretto:
     „ Capisso, strissima,
„ La so pretesa,
„ Nè iragionevole,
108„ Nè mal intesa.
     „ El pro me comoda
„ Nel caso mio,
„ Nè da sto rogito
112„ Me tiro indrio.

     „ L'usura, vedela,
„ No xe massizza,
„ L'è un stocco nobile,
116„ Madama Schizza.
     „ La scriva subito,
„ Son qua me adato,
„ Son contentissimo,
120„ L'è un bel contratto.
     Senza altre repliche
La Morte scrive,
E allegro el Medego
124Se sottoscrive.
     In quel don'Anzola
Vien drento in stanza,
E fa del rogito
128Testimonianza.
     E una mandibola
D'un Avvocato,
Xe el legalissimo
132Tabelionato.
     Cussì in un atomo
La sanità
Quel pòro diavolo
136Lu s'à acquistà

     A darse intrepido
Le man atorno
L'à dà principio
140Fin da quel zorno,
     In libro oposito
Xe registrai
Tutti quei miseri
144Sacrificai.
     E in un periodo
Assae ristretto,
Quasi el so numero
148Lu gà completo.
     Immaginevelo,
Per quel che sò,
Che ai cinquecento
152Ghen manca dò.
     El ciel ne liberi,
Vu e mi letor,
Da quella agnesola
156De professor.
     Che s'el ne medega,
Cascasse el mondo,
Lu forma subito
160El conto tondo.