L'uso del Tabacco
|
Edission original: |
Collezione delle migliori opere scritte in dialetto veneziano, Volume decimo: Poesie satiriche di Angelo Maria Labia, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 10.djvu |
| Edission e fonte ▼ |
Semo, a no se burlar, gran vis de c....
A creder che ’l tabaco sia rason
Per la qual se va zoso a tombolon,
4Quando femo de nu tanti strapazzi.
No che ’l tabaco no fa convulsion;
Ma le fa i nostri vizii e pecadazzi,
Che ne reduse in fregole, gramazzi,
8Senza poder sperar da Dio perdon.
Le Donete; le betole, el zogar;
El far l’amor in Chiesa; el gran bordelo
11Fato de tanto Frati; el biastemar;
Le massime imparae da Machiavelo;
No creder gnente; el star sul cogionar;
14Queste le cause xe de sto flagelo.