L'avertimento

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Buratti

L'avertimento

musicà da Reynaldo Hahn (1901)

XIX secolo

Edission original:	Pietro Buratti, Poesie di Pietro Buratti veneziano, Venezia, Naratovich, 1864
Fonte:	Indice:Poesie di Pietro Buratti (1864) 1.djvu

Edission e fonte ▼

[p. 155 modifica]

XV. (P.)

L'AVERTIMENTO.

No corè, puti,
    Smaniosi tanto
    Drio quel incanto,
    Che Nana ga.

5Xe tuto amabile
    Ve acordo, in ela,
    La xe una stela
    Cascada quà...
                    Ma... ma...
    10La Nana cocola
    Ga el cuor tigrà.

L'ocio xe vivo
    Color del cielo,
    Oro el cavelo,
    15Balsamo el fià;

[p. 156 modifica]

Ghe sponta in viso
    Do rose intate,
    Invidia al late
    Quel sen ghe fa
                    20Ma... ma...
    La Nana cocola
    Ga el cuor tigrà.

Ogni ochiadina,
    Che la ve daga,
    25Da qualche piaga
    Voda no va;

Col so granelo
    De furbaria
    La cortesia
    30Missiar la sa...
                    Ma... ma...
    La Nana cocola
    Ga el cuor tigrà.

Se mai po sola
    35Qualcun la trova,
    No la par nova
    A la pietà:

[p. 157 modifica]

Palida, rossa
    La ve deventa,
    40Par che la senta,
    Che la sia là...
                    Ma... ma...
    La Nana cocola
    Ga el cuor tigrà.