L'apatico

by Edoardo Polli

4 L'apatico Edoardo Polli XX Soneti triestin

Indice:Trieste vernacola.djvu

Edoardo Polli

L'apatico

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

L'APATICO.

El falimento del banchier Patachi
Lo manda a pico? E lui el disi: Schiavo!
El suo novo cassier ga alzado i tachi
Con tuti i bori?¹ E lui: El xe sta bravo!

Va la molie con un pèr² de macachi
A far la mata? E lu ghe mola 'l cavo.³
Insoma, tute le disgrazie e i smachi⁴
Lo lassa indiferente come un travo.

I xe vegnudi a dirghe che in sufita
Ga ciapà fogo, e, perchè 'l lassi el leto:
— Alzite, — i fa — se no ti vol brusarte!

Lui, mezo indormenzà, disi: «Che vita!»
E, dopo averghe pensà sù un pocheto,
El se rivolta de quel'altra parte.

---

Note

1. bori, denari
2. un pèr, un paio
3. ghe mola el cavo, lascia correre, concede libertà
4. smachi, affronti.