L'ambizioso

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
100 percent.svg
Qualità del testo: sto testo el xe stà trascrito e rileto.
←  El viagiator Edission e fonte ▼ L'imbriagon  →
[p. 24 modifica]
L'AMBIZIOSO.


Un Signor de casa vechia
     Pien de bezzi come 'l vovo
     No faceva che pensarsene
     4Ogni zorno una da novo;

Ignorante più de un rovere
     Profondeva i so zechini
     In sempiezzi d'ogni genere
     8Da far rider i vicini;

El sperava, miserabile,
     Col so modo de pensar
     Acquistarse un nome celebre;
     12Farse un omo singolar:

[p. 25 modifica]


Sempre befe, sempre satire
     El sofriva da la zente,
     Nè gà valso mai le prediche
     16De l'amigo, e del parente,

Che ustinà più assae de un aseno,
     Pien de boria, de ambizion,
     El saveva ben risponderghe: —
     20Dei mii soldi so paron. —

Dopo tante e tante budele
     S'à pensà sto bel talento
     D'un gran fiume arente l'arzere
     24De comprarse un casamento;

E po' a letere da scatola
     Sora l'arco del porton
     Ghe fa meter una lapide
     28Che portava sta iscrizion.

[p. 26 modifica]

In ste porte de delizia
     Per qualunque sia motivo
     No ghe deve, Dio delibera,
     32Entrar gnente de cativo.


Tuti leze quel preambolo
     Mala pena el xè sta fato,
     Giudicando el proprietario
     36De presenza mezzo mato.

El dì dopo, da un anonimo
     Del paese gh'è sta scrito
     Per burlarse de quel stolido
     40Sto ridicolo quesito.


Se entrar gnente pol per massima
     De cativo in sto porton,
     Per che parte de la fabrica
     44Entra drento el so paron?

[p. 27 modifica]

Nu podemo da sto anedoto
     Francamente argomentar
     Che sogeto xè a la critica
     48Chi vol farse singolar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27ambizioso&oldid=52954"