L'Aseno in Gala

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 247 modifica]

L'ASENO IN GALA.


Un aseno portava su la schena
     Le reliquie d'un santo in prussission.
     Che popolo! La piazza gera piena...
     Zo riverenze: tuti in zenochion.
5L'aseno, che toleva quela scena
     Per una personal venerazion,
     Marchiava in gravità, vardava apena,
     E se credeva almanco Salamon.
     L'istesso a mi sta note: m'ò insognà
     10De meter su la vesta. Ih! ih! che fola!
     Che inchini a rompicolo qua e de là!
Oe! scomenzava a far la sotogola...
     M'è cascà i brazzi co m'ò ricordà
     Le mie maneghe larghe, e la mia stola.
            15Regazzi! corè a scuola
De virtù e de saver. Sapienti, onesti,
     Se no ancuo (che no i par tempi questi)

Vegnarà un dì, che senza
     Ordini, toga, titoli, divisa
     20Godarè la beata compiacenza
     De farve rispetar anca in camisa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27Aseno_in_Gala&oldid=47860"