L'Amor Fraterno
Ode Safica
|
1835
|
|
Edission original: |
Marco Pescante, Saggio di poesie veneziane, Venezia, dalla tipografia di Luigi Plet, 1835 |
|
Fonte: |
| ← III. I Bezzi | Edission e fonte ▼ | V. Le Ombrele de Venezia → |
Ode Safica
IV.
Da set', ot'ani in qua, povero Marco,
La morte m'à robà la mia Tonina!...
Dolcissima sorela!.. (el fradel Marco
4Parla a Tonina.)
Dolcissima sorela, che al to Marco
Ti ghe volevi tanto ben! Tonina,
Dal ciel, dove ti xe, sentilo Marco,
8Cara Tonina! —
Con amor da fradel nudriva Marco
El purissimo amor dela Tonina;
Sempre indivisa a latere de Marco
12Gera Tonina.
Ogni brama, o pensier del caro Marco
Gera brama e pensier de la Tonina;
Se qualche zorno no magnava Marco,
16Gnanca Tonina.
Putina de talento, el fradel Marco
Se coltivava come un fior Tonina,
E gera, soto le istruzion de Marco,
20Brava Tonina.
Sera e matina ghe insegnava Marco
Le letere e la musica a Tonina;
E, al'ore del sorar, zogava Marco?
24Anca Tonina.
Se rideva, o pianzeva el fradel Marco
Za rideva e pianzeva la Tonina;
Se consolava uno con l'altra, Marco
28Co la Tonina.
Ogni dì in Chiesa se n'andava Marco,
Ma l'andava con chi? co la Tonina:
Pregava ela la Vergine per Marco,
32Mi per Tonina.
Quindes'ani d'età, misero Marco!
Contava, oh Dio! st'angelica Tonina,
Quando ga dito el Ciel, per provar Marco,
36Vien qua, Tonina.
Fra i sangioti e l'afano del so Marco
Langue d'un morbo gastrico Tonina,
E in breve moribonda el vede Marco
40La so Tonina!
Ma moribonda la chiamava el Marco,
Dopo Gesù!... chiama Gesù, Tonina... —
Ah! per l'anima mia pregalo, Marco... —
44Prego, Tonina —
(Tremenda scena!) Inconsolabil Marco
Bagnava tuto el leto de Tonina
Co lagrime de sangue .... e in brazzo a Marco
48More Tonina! —
Ah! da quel punto al to amoroso Marco
Se ga scolpido in cuor, dolce Tonina,
Confusi i nomi de Tonina e Marco,
52MARCO e TONINA.