Inno di Geremia a Venezia
|
Edission original: |
Collezione delle migliori opere scritte in dialetto veneziano, Volume decimo: Poesie satiriche di Angelo Maria Labia, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 10.djvu |
| Edission e fonte ▼ |
Cità, che dopo che ti xe, ti è stada
Asìlo e sede de la Religion,
E per questo da tute le Nazion
4Ti geri benedeta e rispetada;
Ti, che da Dio ti geri destinada
Tera promessa e vaso d’elezion,
E sin a la final consumazion
8Ti geri in la so’ morte preservada;
Dove xelo el splendor dei Magistrati?
Dove el bel virginal candido zio,
11L’onor de le Matrone e de i Primati?
Dove el costume sì inocente e pio?
Dove xelo el valor dei to Antenati?
14Dove xela la Fede, e dove è Dio?