In Tribunal
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← La Quarela | Edission e fonte ▼ | A la diretissima → |
― «Chi sèu?» - «Bepi Scarpion, deto Palanca.»
― «De?» ― «Menegheto.» ― «Profession?» ― «Azente.»
― «Agente? ma da chi!» ― «Dai fradei Branca...»
― «Gavèu condane?» ― «Vinti.» ― «Solamente!...»
Ben ben, sentève là su quela banca,
E contè su...» ― «Mi, sior, son inoçente...»
― «Tuti inoçenti, ma la roba manca!»
― «Alora el fazza lu, sior Presidente!»
― «Publico Ministero» ― «El mio verdeto
Xe questo: Un ano, computà el soferto.»
― «La difesa» ― «Signori, me rimeto...»
— «Imputà, gàvaressi da dir altro?»
«Gà parlà massa el mio avocato.» ― «Çerto!
...Un mese» ― «(Manco mal)» ― «Soto quest'altro!»