Il poeta

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 27 modifica]
IL POETA


Me seca molto certi laureati
     Co i se mete a parlar de la poesìa.
     Chi dise: Per un bezzo la darìa,
     4Che i versi de parole xe barati;

Chi dise: L'è un mistier da zovenati;
     Chi me dise: L'è un tempo butà via;
     Chi: La xe solenissima pazzìa,
     8Che xe i poeti tuti quanti mati.

Chi la fa de le scienze la corona,
     Mare de l'estro e del divin furor,
     11Domatrice dei barbari, o patrona.

Mi digo: Xe el poeta un ligador;
     Se la zogia xe falsa el ve cordona,
     14Se la xe bona el ghe cresce el valor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Il_poeta&oldid=42027"