Il dialetto e la lingua/I ricordi di un valeggiano
|
Edission original: |
Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924 |
|
Fonte: |
| ← Carnevale! | Edission e fonte ▼ | L'amor de patria → |
.jpg)
- ILUSTRE SIOR PROFESOR FONTANA,
Lu ’l me domanda na poesia o qualche publicasiò ’n dialett Valesà; me dispiass asè, ma no poss contentarlo.
A Valess e nascì tanta braa sent, ma gnisun ha scritt ’n dialett; forsi perchè le ’n dialett ’l nostro, ’n poetì masa dur: l’e ’n misto de veroness, de mantoà e de bresà; e anca el cambia asè tra logo e logo.
A dir la ’erità dei argomenc de poesia e de storia ghen saria tanc; ma ’n de sto temp de esami, mi no go oia de scrierghei.
Lu ’l doria far na scapada a Valess; el viagio no le miga comodo, ma quand’ se riai, se ghe sta be.
E s’el va a Valess, nol se desmentega la spasesada del Borghett1, che l’è straordinaria! L’è ’na spasesada de diese minuti; che i valegnagn i fa tute le feste dopo le funsione, e anca nei dì de laor per svagarse.
Apena fora dal paes se cata i publisi giardini, dan dô se godi tante sere ’n tramont straordinari. Mi no vist de bei dei tramonc, sul lago, ’n montagna, sul mar; ma ghe sicuro, profesor, che dai giardini de Valess, ’n serte sere — che le par fate aposta per lasar che i ragi i se ferma a sugar tra l’aria e le nuolete ciare — quandi ’l sol ’l toca i orli dei monc che ghe al de là del Mens, se godi de quei spetácoi che fa restar de sass.
A mesa strada tra Valess e Borghett ghe 'l Capitel de la Madona, ch'el ga dentro ’na sorgente de aqua fresca e lisera, che se bei 'olentera.
Ma: «beer l'aqua del capitel» vol dir «farse valesà» 'n tuc i sensi; osìa èser ’n maturlà, magnar e beer de gusto, tor su la vita come la é sempre alegri e mai pasió.
Al Borghett lu ’l caia tutt quel ch’el vol; ma mi chi me fermo: no go temp de contarghe tutt quel che là se vedi e se godi, e gnanca de dirghe la storia del Pont longh 2, del mur e de la fossa, del Castel 3, e de tucc i ricordi che Valess el vanta.
Lu del rest nol ghe na bisogn, perchè la storia el la conosi mei de mi.
Ghe auguro tante bele cose, el saludo.
- 7 luglio 1924
Prof. G. Battista Rigo
- Note
- ↑ Lì è un fortilizio dell'epoca Viscontea: si ricorda la battaglia del Borghetto combattutasi dal Gen. Bonaparte il 30 maggio 1796.
- ↑ Sembra essere stiamo costruito da G. Galeazzo Visconti, e congiunge non solo le due rive del Mincio, ma le colline che formano la vallata.
- ↑ Il Castello dalle cinque torri sorge su la collina: le 4 torri agli angoli sono le originali del castello Scaligero, la centrale alta e snella è dell'epoca viscontea.