Il Mortaio e la Mazza

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Il Mortaio e la Mazza
XVIII secolo
Edission e fonte ▼
Altra edizion: El morter e la mazza (1845)
[p. 18 modifica]
IL MORTAIO E LA MAZZA


De le volte spassizando,
     E baucando
     La gnagnera che go vado passando;
     E l'altro zorno aponto,
     5Che la gaveva proprio maledeta,
     Me so trovà in Piazzeta,
     E osservando per spasso
     Una botega là sto la Zeca,
     Dove va, per esempio, la Baleca,1
     10Momolo dai zaleti,
     Quel che vende oseleti,
     E in fin la peverada2
     A bever la semada,
     M'ò fermà s'un morter
     15Che tegniva davanti el cafetier,

[p. 19 modifica]

     Tuto sfeso e sbecà,
     Deslavrà, magagnà,
     E che pareva za un'antichità,
     Co drento una gran mazza
     20Che gera tuta strazza,
     Macada, desfilada,
     E che fra poco tempo
     No i l'averave za più doperada;
     E go dito al fachin
     25Che gera là vicin:
     L'è in cao sto to morter. —
     — La se ingana, el risponde,
     El fa ancora dies'ani el so mestier.
     Sala che cussì sfeso e magagnà
     30L'à fruà trenta mazze
     De quele che xe là: —
     — Minchioni,
ò replicà,
     Ghe cavaremo la moralità.
     E go dito cussì,
     35Parlando in fra de mi:
     Omeni, recordève
     Più d'una volta al dì,
     Che un morter desbecà,
     Deslavrà, magagnà,
     40E che deboto xe un'antichità,
     El resta ancora là,
     E ch'el vien doperà;

[p. 20 modifica]

     Quando che trenta mazze,
     Benchè nove de trinca,
     45Xe stae ridote in strazze.



Note
  1. La Baleca era una notissima fabbricatrice di frittelle.
  2. La Peverada è sinonimo di Sbirraglia
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Il_Mortaio_e_la_Mazza&oldid=68922"