Il Milione/035
|
Edission original: |
Il Milione veneto : ms. CM 211 della Biblioteca civica di Padova, |
|
Fonte: |
http://www.classicitaliani.it/duecento/Polo_Milione_01.htm |
| ← CAPITOLO XXXIV | Edission e fonte ▼ | CAPITOLO XXXVI → |
- De Chesimur, hove è i grandi inchantatori.
Chesimur hè una provinzia che à lingua per si; et èno idolatri; et sono grande inchantatori de diavoli: e fano per inchantamento chanbiar el tenpo e fano far grande oschuritate e fano altre chosse asai per i suo’ inchantamenti.
Or <da> questo luogo se può ben andar al Mar d’India.
I sono bruni e magri; la vita lor è charne e rixo.
L’aere è molto tenperà, nì chaldo nì fredo.
El n’è chastelle asai e grandisimi dexerti atorno e sì fortisimi passi che i non àno paura de homo del mondo; e mantiensi per si senza altra segnoria
Eli àno re che i mantien bona segnioria.
E lì èno remiti segondo la soa malvaxia fe’, i quali abitano in remitorio e fano grande astinenzia e de manziar et de bere; et sono molto solìziti de [no] far chossa che sia chontra la soa leze; et sono tenuti molto santi dalla soa zente.
E viveno gran tenpo in la soa penitenzia che i fano per amor delle soe idolle; e àno badie e monestieri de soa fe’.
Or lasiamo de questa provinzia e sì anderemo inanzi; noi torneremo in India; e’ no nde voglio tornar a questo ponto, perché al tornar de nostra via conteremo tute le chosse d’India per ordine.
Et però torneremo ala provinzia deversso Balasia, perché da altra via non se pò andar.