Il Medico (Giovanni Battista Bada)

by Giovanni Battista Bada

3 Il Medico Giovanni Battista Bada XIX Novele

Indice:Collezione delle migliori opere scritte in dialetto veneziano 12.djvu

Giovanni Battista Bada

Il Medico

XIX secolo

Edission original:	Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 12.djvu

Edission e fonte ▼

IL MEDICO

Se trovava in Bassan
     Un omo morbinoso e cortesan
     Che aveva el naso estremamente grando,
     Che a quanti lo vedea
     5Maravegia grandissima el facea.
Un dì, che caminando
     L'andava per Cità,
     Un Dotor l'à incontrà
     A caval d'una mula, che fermada
     10In mezzo de la strada
     No volea caminar
     Per quanto ch'el Dotor tentasse far.
     Onde, cussì scherzando,
     Ga dito el morbinoso (recordandose
     15De aver el naso grando)
     Seu vu, Dotor, o xe la mula, a caso,
     Che se fazza paura del mio naso?
El Dotor gera anch'elo
     De bizaro cervelo,
     20E risposto imediate el ga cussì:
     Credo infati esser mì
     Quelo che s'à ispaurìo,
     Che me sento un prurito in tel da drio.
          L'omo che vol scherzar
          25Anca lu deve el scherzo tolerar.