Gran desgrazia de chi xe in Prelatura
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Sto Papa fà le gran buzararìe | Edission e fonte ▼ | Podeu dar più superba cogionada → |
Gran desgrazia de chi xe in Prelatura
Sotto un Papa, che sia gran Chiettinon,
Che s'anca i fà qualche gran bell'azion,
4Co'l sà, ch'i fà l'amor, gnente'l li cura.
Per quanto la so grazia i se procura,
Co no i lassa le Donne in t'un Canton,
Per Dìo, el puol ben far cento promozion,
8Che questi cento volte 'l li trascura.
Ma l'è cussì, quà no ghè altra strada,
O bisogna lassar quel gusto mato,
11O da lù no se gà 'na buzarada.
Se mi, gramo, però fusse un Prelato
Per una solenissima chiavada
14No renuncio un Capello, ma 'l Papato.