Fra vita e morte
|
Edission original: |
Attilio Sarfatti, Le Rime Veneziane e Il Minuetto, Milano, Fratelli Treves Editori, 1892 |
|
Fonte: |
| ← XIV. La carità | Edission e fonte ▼ | XVI. Se fusse anelo in deo te vegnarìa → |
XV.
FRA VITA E MORTE
1
Nàvega in alto mar un bastimento,
E l'onda lo fa andar de qua e de là.
Vien zo a seci la piova e supia el vento,
Fra vita e morte el bastimento va.
Cussì, Teresa, el povaro mio cuor,
Nàvega in mezo a l'onda de l'amor.
Fra vita e morte el fila note e dì,
e in çerca de riparo el vien da ti.
2
Fra vita e morte nàvega el mio cuor,
Sempre spetando el fin de la tempesta,
Sempre çercando el porto de l'amor,
El porto del piaçer e de la festa.
Ma intanto l'onda lo coverze, intanto
No gh'è per lu che afani, lota e pianto.
Fra vita e morte sospirando el va,
Fin che Teresa ascolto no ghe dà.