Florindo
|
Edission original: |
Attilio Sarfatti, Le Rime Veneziane e Il Minuetto, Milano, Fratelli Treves Editori, 1892 |
|
Fonte: |
| ← 1. LA MORBINOSA | Edission e fonte ▼ | 3. TODARO BRONTOLON → |
2
FLORINDO
Rosaura, più te vardo e più me sento
Farme tic-tac el cuor inamorà.
Tò, cara, un fior che ò scelto in mezo a çento,
Domandighe a sto fior quel che ho penà.
Varda, Rosaura: fin la mia cagneta,
Vedendome cussì se mostra inqueta.
Fame sentir dai to bei lavri un sì,
E tornaremo alegri Lila e mi.