Esopo e l'Aseno

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Francesco Gritti

Esopo e l'Aseno

XVIII secolo

Edission original:	Francesco Gritti, Poesie di Francesco Gritti in dialetto veneziano, Terza edizione ricorretta e accresciuta, Venezia, G. Missaglia, 1824
Fonte:	Indice:Poesie di Francesco Gritti in dialetto veneziano.djvu

Edission e fonte ▼

[p. 129 modifica]

ESOPO E L'ASENO

In oca Esopo Frigio
     Stava puzà a un molin;
     Passa, e ghe dise un Aseno:
     4Giusto vù, citadin:
Se vol che siè un egregio
     Filosofo moral,
     Ma perdonème, vissere,
     8No se' miga imparzial:
Vu dè a la Volpe e a l'Aquila
     Inzegno sovruman;
     Vu fe parlar con spirito
     12El Sorze, el Gato, el Can;
E nu, poveri diavoli,
     Sempre ne maltratè,
     Ne fè passar per stolidi,
     16Vorìa saver perchè?
Dei talenti, e del merito
     Ghe n'avemo anca nu;
     Spesso ne invidia i omeni
     20Qualche gentil virtù:
No credo sia tra l'ultime
     Costanza e gravità;
     Fene donca giustizia,
     24E remediè al passà;

[p. 130 modifica]

Componè qualche favola
     Per farne figurar;
     Ve servirò d'esempio,
     28Se me savè imitar:
Beaux mots, sentenze, e massime
     Ve vòi mì sugerir...
     Responde Esopo: — Vissere,
     32No ve posso ubidir:
Vedè che metamorfosi
     Che nascerìa cussì!
     Saressi vu el filosofo,
     36E l'Aseno po' mi.