El zornalista e 'l prete

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 95 modifica]
EL ZORNALISTA E 'L PRETE


     So Ludro, e me ne vanto! Oh questa è bela!
Varè che adesso no sarè paron
De stuarghe a San Piero la candela
O sonarghe a Bertoldo el campanon!
     Mi no go mai tocà la religion,
Che, a dirla schieta, no la xe più quela.
I preti? Mo che i vada a tombolon....
Abate: fazzo un'ecezion per ela.
     Comandeli? So qua: che i vegna avanti.
S'anca no i paga subito, no cade;
A mi la cura de muar i santi.
     Se no, destiro zo: chi toca toca.
Ogio per questo a dir mea culpa? Made:1
No forbo mai la pena co la boca.



Note
  1. Mainò.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_zornalista_e_%27l_prete&oldid=71279"