El veglion
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← M'ò sbaglià | Edission e fonte ▼ | I miracoli de amor → |
Per quel che el me dona
de fresco e de bon
(l'amor de la dona)
4me piaze el veglion.
Me piaze i costumi
i nastri, le sede,
le spale, i profumi,
8.... quel che non se vede.
Mi ve lo confesso
devento un putèlo,
quel vivo borèsso
12me svegia el çervelo!
Se i ani e i afari
m'à fato un musòn,
se svegia in quei rari
16momenti el ciassòn.
E vardo e me casso
dov'è più el bacàn,
me strenzo a un bel brasso,
20o baso una man.
Devento un poeta,
son dolçe e galante,
se 'na mascareta
24xe un fià incoragiante.
La inçìngano, ciàcolo,
la porto al buffet :
"Champagne! bevè, còcola,
28domàn dormirè!"
La beve, e in un lampo
so za inamorà:
"per mi no gh'è scampo,
32v'ò sempre adorà!"
Intanto anca ela
se scalda un pocheto,
la trovo più bela,
36go manco rispeto.
Sempiezzi de un'ora!
No 'l xe po un malano.
No se se inamora
40cussì tuto l'ano?
No importa se al caso,
(destin maledeto!)
po trovo che el naso
44xe un poco grandeto.
Se a un apuntamento
promesso o mancà,
so stà malcontento
48un'ora impalà.
No importa, no importa:
la m'à divertìo.
Chi fa boca storta
52a grazia de Dio?
Mi za da una dona
no vogio che un baso:
e a un baso ghe dona
56la màscara in raso!