El teatro giazzera (1875)
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← El ciasson | Edission e fonte ▼ | La mima selerata → |
EL TEATRO GIAZZERA
Chi vol tacar la cassa dei polmoni,
Ciapar la ponta e star a leto un mese,
Vegna qua drento senza el plett inglese,
Senza intrighi de siarpe e pelizzoni.
Quando supia la bora in sto paese,
Co l'orchestra s’acorda i finestroni;
Ciniseli e Guillaume co i so staloni
Pol passar drento e fora per le sfese.1
Quando in platea se bagola o camina,
Canta le tole soto alegramente;
In galaria se bala la monfrina.
Toleve un palco, e se nel buso arente
Se move qualchedun, tuto scantina:
Se rompe una tiraca?2 — se la sente.
- Note