El sigo de Verona

by Attilio Turco

Attilio Turco ―  Sonetti Veronesi  ― Parte V - Trento e Trieste

El sigo de Verona

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  I riciamadi

Edission e fonte ▼

Al fronte  →

EL SIGO DE VERONA

In te ’sti giorni gira par Verona
     'Na mota^[1] de soldadi e de uffissiai.
     Tuti i ghe dise che l’è bela e bona
     E che de meio, no i dà visto mai!

Ela, co’ la so vosse^[2] sinsierona,^[3]
     La ghe risponde: fioi vardè, da brai,
     Par l’amor del Signor... de la Madona,
     Che no i ne vegna a rompar i stivai!...

Pestèghe i corni a quela bruta rassa,
     Se qualche volta i ghe spontasse su!
     Deghe de fisso,^[4] fèghene man bassa,

E Carlo primo, che ’l ghe sia ’nca lù...
     Soto i tedeschi ghe son sta anca massa,^[5]
     Soto i tedeschi no’ ghe torno^[6] più!

---

Note

1. ’na mota ― una quantità;
2. vosse ― voce;
3. sinsierona ― sincera, franca;
4. deghe de fisso ― picchiate forte;
5. massa ― troppo;
6. torno — ritorno.