El sapienton

Da Wikisource
EPUB   MOBI   PDF   RTF   TXT
Qualità del testo: sto testo el xe stà trascrito e rileto.
El sapienton
XX secolo

 Edission original:   

Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920

 Fonte:

Indice:Trieste vernacola.djvu

Edission e fonte ▼
[p. 144 modifica]
EL SAPIENTON.


Con un far de dotor, che no ve digo,
In mezo a quatro sempi1 che lo inchina,
Podè veder, de sera e de matina,
In cafè, montà in catedra, l'amigo.

E là, sfogiando la sua parlantina
Davanti a quei che no capissi un figo,
El ghe consegna a tuti quanti un spigo,2
De la naranza de la sua dotrina.

Me son ficado anca mi un giorno là,
Per tentar de scrocarghene una parte,
E son contento perchè go imparà

Che Saffo iera un romanzier persian,
Pitagora un'etrusca butacarte
E Zoroastro un senator roman.



Note
  1. quatro sempi, quattro sciocchi
  2. un spigo, uno spicchio.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_sapienton&oldid=66523"