El saco

by Attilio Turco

3 El saco Sonetti Veronesi Sonetti Veronesi/Parte II - Me morosa Gnanca l'Adese! Spendaciona Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte II - Me morosa

El saco

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Gnanca l'Adese!

Edission e fonte ▼

Spendaciona  →

EL SACO...

La me morosa la m’à dado el saco¹
     E la m’à dito: no te voi più ben.
     Mi son restado lì come un macaco,
     Mortificado e cargo² de velen!

Ma ’l mese drio l'ò vista zo de taco,³
     La me pareva suta come ’l fien
     No la valèa ’na pipa de tabaco
     E qualche cosa ghe boieva in sen...

Mi alora ho volù far el sborioseto
     E tira drito sul me marcia-piè...
     Ela infilese drio, bati ’l tacheto

E mi duro: è-lo un bago che te fè!
     Ma voltà-via 'l canton de ’n vicoleto
     La m’à dà un baso e mi ghe n’ò da siè!⁴.

---

Note

1. el saco - messo in libertà;
2. cargo - carico;
3. zo de taco - mal in arnese;
4. siè - sei.