El pitor (1875)
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← L'antiquario | Edission e fonte ▼ | El mecanico → |
EL PITOR
Corpo de bio, no so più cossa far
Per finir el ritrato de sto morto;
I parenti vien qua per bel diporto:1
Nissun sa gnente e tuti vol parlar.
Dopo tre mesi che i me fa suar,
Chi lo voria più rosso e chi più smorto;
Chi el naso assae più dreto e chi più storto:
Toca, ritoca e torna a spegazzar.
Ma la classica xe che sti batoci
Se mete fra de lori a contrastar,
Perfina, cape, sul color dei oci;
Chi lo vol blu, chi negro e del più forte...
Mo via, che no i se staga a riscaldar;
Ghe li farò, magari, uno per sorte.
- Note
- ↑ Per ozio, per divertimento.